ՀՀ առողջապահության նախարարի առաջին տեղակալ Լենա Նանուշյանի գլխավորած պատվիրակության այցը Հնդկաստան

31 օգոստոսի, 2024

2024թ. օգոստոսի 28-31-ը ՀՀ առողջապահության նախարարի առաջին տեղակալ Լենա Նանուշյանի գլխավորած պատվիրակությունը Հնդկաստանում մասնակցել է Միջազգային դեղագործական «iPHEX» (iPHEX International Pharmaceutical Exhibition) ցուցահանդեսին։ Հնդկաստանի կառավարության և Դեղագործական արտադրանքի արտահանման խթանման խորհրդի (Pharmexcil) կազմակերպած միջացառումը միավորել է բազմաթիվ դեղագործական ընկերությունների և առողջապահության ոլորտի կառավարիչների ամբողջ աշխարհից՝ բացահայտելու նորարարությունները և ընդլայնելու փոխգործակցության շրջանակները։

Իր ելույթում կարևորելով Հնդկաստանի հետ համագործակցության երկարամյա փորձը` Լենա Նանուշյանն անդրադարձել է կյանքեր փրկելու և «առողջության բոլորի համար» գերակա նպատակին հասնելու ընդհանուր հանձնառությանը։ Որպես Հայաստանի 2020-2050թթ. վերափոխման ռազմավարության կարևոր առաջնահերթություն` նա ներկայացրել է առողջապահական համապարփակ բարեփոխումների ուղղությամբ Կառավարության կարևոր քայլերը: Նախարարի տեղակալն անդրադարձել է Հայաստանում դեղերի ոլորտի կարգավորումներին` որպես կարևորագույն ոլորտի` ուղղված անվտանգ, արդյունավետ և որակյալ դեղերի ապահովման միջոցով ազգային դեղերի քաղաքականության իրականացմանը և ծառայությունների հասանելիությանը: Ելույթի ավարտին Լենա Նանուշյանը վստահեցրել է, որ կողմերի միջև կառուցողական երկխոսությունների միջոցով կհաջողվի առաջ շարժվել և որակյալ առողջապահական ծառայություններ մատուցել մեր երկրների քաղաքացիներին: «Մենք բաց ենք միջազգային գործընկերների, այդ թվում` հնդիկ գործընկերների հետ սերտ համագործակցության համար` արդյունավետ, անվտանգ և որակյալ դեղեր Հայաստան բերելու տեսանկյունից»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր